बंद पडलेल्या एसटी बसवर दुचाकी धडकली ; तीन जण ठार ; वर्दडा फाट्याजवळील घटना…

आधुनिक केसरी न्यूज 

 ज़ैनुल आबेद्दीन

मेहकर  : भरधाव दुचाकीची रोडच्या साईटला बंद पडलेल्या एसटी बसवर आदळल्याने तीनजण जागीच ठार झाले ही घटना चिखली ते मेहकर रोडवर वर्दडा फाट्याजवळ मंगळवारी रात्री घडली. यामध्ये गोपाल पंढरी सुरडकर (वय २१)रा. बेराळा धनंजय परमेश्वर ढंग (वय२५) रा. वाघापूर आणि सुनील सुभाष सोनुने रा. चिखली अशी मृतांची नावे आहेत.लव्हाळा फाट्यापासून एक किमी अंतरावर वर्दडा फाटा आहे. तेथे चिखली आगाराची बस एमएच ०६ एस ८८१६ ही मंगळवारी, दि. ८ ऑक्टोबर रोजी दुपारी बंद पडली होती. त्या बसचे दुरुस्तीचे काम कर्मचारी करीत होते. रात्री ७:३० वाजता लव्हाळा येथून गोपाल पंढरी सुरडकर, धनंजय परमेश्वर ढंग आणि सुनील सुभाष सोनुने हे दुचाकीने चिखलीकडे चालले होते. दरम्यान, चालकाचे नियंत्रण सुटल्याने दुचाकी थेट बसवर आदळली. दुचाकीचा वेग एवढा होता की, तिघांचाही
जागेवरच मृत्यू झाला. या घटनेची माहिती मिळताच साखरखेर्डा पोलिस स्टेशनचे ठाणेदार गजानन करेवाड यांनी सहकाऱ्यांसह घटनास्थळावर धाव घेतली. तसेच तिन्ही मृतदेह चिखली येथील ग्रामीण रुग्णालयात पाठवले