जायकवाडी धरण  100 टक्के भरले ;  दुसर्‍यांदा उघडले १८ दरवाजे 

आधुनिक केसरी न्यूज 

दादासाहेब घोडके

पैठण : 1522 फूट जलक्षमता असलेल्या जायकवाडी या धरणात आज 1521.90 फूट पाणी पातळीची नोंद झाली. 99.80 टक्के पाणीसाठा असताना वरील भागातील   पाणी  दाखल होत असल्याने  धरणाचे दरवाजे उघडण्याचा बुधवार दि,२५ रोजी १०: वा  दुसर्यानंदा  निर्णय घेतला.
 जायकवाडी धरण १०० टक्के भरले असून जलाशयामध्ये सध्या ४ हजार १६९ क्युसेक  पाण्याची आवक होत आहे. त्यामुळे नाथसागर प्रकल्पाचे 27 पैकी १८ दरवाजे प्रत्येकी अर्ध्या फुटाने उघडण्यात आले आहे. धरणाचे दरवाजे दुसऱ्यांदा उघडण्यात आले असून गोदावरी नदीपात्रामध्ये ९ हजार ४३२ क्युसेक्स पाण्याचा विसर्ग सुरू करण्यात आला आहे, अशी माहिती जलसंपदा विभागाचे कार्यकारी अभियंता प्रशांत जाधव यांनी दिली.
पाणलोट क्षेत्रातील पाण्याची आवक वाढण्याची शक्यता पाहून विसर्ग कमी अथवा जास्त करण्याची कार्यवाही करण्यात येणार आहे. या पार्श्वभूमीवर गोदावरी नदीच्या काठावर असलेल्या नागरिकांनी नदीपात्रात प्रवेश करू नये. कुठलीही जिवीत व वित्त हानी होऊ नये यासाठी नदीकाठच्या गावातील नागरिकांनी खबरदारी घ्यावी. असे अवाहन तालुका प्रशासनाच्या वतीने करण्यात आले आहे.