लाडक्या बहिर्णीचे पैसे परस्पर उचलून केंद्रचालक फरार... 

आधुनिक केसरी न्यूज 

सिध्दार्थ वाठोरे

हदगाव : मुख्यमंत्री लाडकी बहिण योजनेसाठी चक्क पुरुष मंडळीच्या आधार कार्डाचा बापर करून जवळपास सव्वा तीन लाख रूपयांची रक्कम भावाच्या खात्यात पैसे जमा करून घेतले असल्याचा धक्कादायक प्रकार हदगाव तालुक्यातील मनाठा येथे हा भयंकर प्रकार घडला असून, गोरगरीब महिलांसाठी सुरू केलेली योजना अल्पावधीतच कुचकामी ठरत असल्याने संताप व्यक्त होत आहे.
मनाठा येथील सीएससी केंद्र चालकाने, लाडक्या बहिणीचे अर्ज भरताना महिलांचा आधार कार्ड क्रमांक टाकण्याऐवजी पुरुषाचा आधार क्रमांक टाकला. काही दिवसानंतर रोजगार हमी योजनेतील विहिरीचे पैसे आले आहेत असे खोटे सांगून, ओळखीच्या पुरुषांकडून आधार कार्ड, बँक पासबुक, अशी कागदपत्रे जमा केली. जेव्हा पैसे खात्यात जमा झाले, तेव्हा रोजगार हमीचे पैसे आहेत असे भासवून संबंधित पुरुषांचे अंगठे घेऊन जमा झालेली तीन लाख १९ हजार ५०० रुपये) परस्पर उचलून हडप केली आहे.
येथील रहिवासी अलीम सलीम कादरी यांच्या मोबाईलवर मुख्यमंत्री लाडकी बहीण योजनेची रक्कम जमा झाल्याचा संदेश आल्याने या घटनेचे बिंग फुटले. मनाठा गावातील ३८ तर बामणी फाट्यावरील ३३ भावांचा आधार कार्ड क्रमांक वापरून लाडक्या बहिणींचे ३ लाख १९ हजार ५०० रुपये परस्पर उचलून केंद्रचालक पसार झाला आहे.