आधुनिक केसरी न्यूज
गडचिरोली : भामरागड तालुक्यातील कतरंगट्टा गावाजवळील जंगल परीसरात झालेल्या भीषण चकमकीत गडचिरोली पोलिसांनी तीन नक्षलवाद्यांचा खात्मा केला असून ही संख्या वाढण्याची शक्यता आहे.
पोलिस अधीक्षक नीलोत्पल यांच्या मार्गदर्शनात अपर पोलिस अधीक्षक (अभियान) यतीश देशमुख यांच्या नेतृत्वाखाली सी-६० च्या दोन तुकड्या तातडीने परीसरात शोधासाठी दाखल करण्यात आल्या. पथके परीसरात शोधमोहीम राबवत असताना नक्षलवाद्यांनी त्यांच्यावर अंदाधुंद गोळीबार केला. पोलिसांनीही नक्षल्यांच्या गोळीबाराला जोरदार प्रत्युत्तर दिले. गोळीबार थांबल्यानंतर आणि परिसराची झडती घेतल्यानंतर १ पुरुष आणि २ महिला नक्षलवाद्याचे मृतदेह आढळले आहेत. गोळीबाराच्या ठिकाणाहून तीन १ एके ४७, १ कार्बाइन आणि १ इन्सास रायफल, अशी तीन स्वयंचलित शस्त्रे तसेच नक्षल साहित्यही जप्त करण्यात आले आहे.
यातील एका मृतदेहाची ओळख पटली असून हा मृतदेह पेरिमिली दलमचा प्रभारी आणि डीव्हीसीएम कमांडर वासू याचा असल्याचे पोलिस विभागाने म्हटले आहे.
About The Author
Related Posts
mahaveer ghar sansar
Comment List