शिरसमाळ, केसापुरी तांड्याला समस्यामुक्त करणार : राजू शिंदे 

आधुनिक केसरी न्यूज 

छत्रपती संभाजी नगर : शिरसमाळ तांडा डोंगर, दऱ्या अगदी निसर्गाच्या सानिध्यात वसलेले छोटंसं गाव आहे. गाव वनराज्जिने नटले आहे. पण गावात प्रवेश करताच दोन्ही तांड्यावर मूलभूत सुविधांचा अभाव जाणवला. या समस्या सोडविण्यासाठी मी कटाक्षाने प्रयत्न करील. तुम्ही मला साथ द्या, मी विकासाला हाक देतो, असा विश्र्वास व्यक्त करून मशाल चिन्हावर मतदान करण्याचे आवाहन महा विकास आघाडीचे शिवसेना (उध्दव बाळासाहेब ठाकरे) उमेदवार राजू भाऊ शिंदे यांनी केले. 
ते शिरसमाळ व केसापूरी तांडा येथे प्रचारार्थ आले असता नागरिकांनी त्यांच्याशी संवाद साधला. या वेळी ते बोलत होते. त्यावेळी रविभाऊ चव्हाण, लहू चव्हाण, रमेश राठोड, वन सिंग चव्हाण, सुभाष चव्हाण गावातील प्रतिष्ठित नागरिकांच्या वतीने राजू भाऊ शिंदे यांचा सत्कार करण्यात आला. यावेळी रमानगर शहर जिल्हाध्यक्ष नगर विभाग  साहेबराव बनकर, काँग्रेस तालुकाध्यक्ष सर्जेराव चव्हाण पाटील, राष्ट्रवादी (शरद पवार गट) मुकेश राठोड, शिवसेना उपतालुकाप्रमुख विष्णू जाधव, शिवसेना उपजिल्हाप्रमुख राजेंद्र राठोड, युवा सेना उपजिल्हाप्रमुख बिरजू भैया, शिवसेना उपतालुकाप्रमुख सचिन राठोड,  शिवसेना विभाग प्रमुख राजू चव्हाण आदींची उपस्थिती होती.