आधुनिक केसरी न्यूज
सागर झनके
जळगाव जा : महाविकास आघाडी व मित्र पक्षाच्या उमेदवार डॉक्टर स्वातीताई वाकेकर यांचा प्रचार दौरा 10 नोव्हेंबर रोजी संग्रामपूर तालुक्यातील ग्रामीण भागात पार पडला.यावेळी ग्रामीण भागात स्वातीताईंना मोठ्या प्रमाणावर मतदारांचा प्रतिसाद पाहावयास मिळाला. तालुक्यातील करमोडा, दयाल नगर, हरियामाल, वसाडी, चिचारी, आलेवाडी, टूनकी लाडनापुर सायखेड, पिंगळी, सोनाळा, या ग्रामीण व आदिवासी भागातील मतदारांशी स्वातीताईंनी संवाद साधला असता लोकांनी त्यांना सांगितले की, ताई आजही आम्हाला रोजगारासाठी पुण्या मुंबईला जावं लागते .उदरनिर्वाहाचं एकमेव शेती हेच साधन आहे. दिवसेंदिवस शेतीचे होत असलेले हाल आपण पाहतच आहात. आम्हाला आरोग्याच्या मूलभूत सुविधांपासून आजही वंचित राहावे लागते. खड्ड्यात रस्ता के रस्त्यात खड्डे असे आमच्या भागातील रस्त्यांची अवस्था झाली आहे. ताई आमच्या या भागातील सर्व जनतेची इच्छा आहे की आपण या वेळेस आमदार व्हाव. आम्ही सर्व बांधव आपल्या सोबत आहोत आणि आपल्याला मतदान करनार आहोत .
प्रचारादरम्यान गावागावांमध्ये स्वातीताईंचे मोठ्या आनंदात औक्षण करत पुष्पगुच्छ देऊन त्यांचे स्वागत केले, यावेळी स्वातीताईंनी सांगितले की,तुम्ही सर्व मतदार बांधवांनी मला साथ दिली तर मी नक्कीच या मतदारसंघाची आमदार होईल आणि मला विश्वास आहे की तुम्ही या वेळेस मला आमदार केल्याशिवाय राहणार नाही. आपल्या समस्या सोडवण्यासाठी मी सदैव तत्पर राहील. यावेळी स्वातीताई त्यांच्या प्रचारासाठी अकोला वरून डॉक्टर अभय पाटील हे सुद्धा आले, त्यांनी सुद्धा मतदारसंघातील गावागावातील मतदारांशी संवाद साधला. प्रचारादरम्यान महाविकास आघाडीतील सर्व नेते कार्यकर्ते व पदाधिकारी मोठ्या संख्येने प्रचारादरम्यान सोबत होते
Comment List