अखेर अभिलाषा गावतुरे यांची हकालपट्टी..!

आधुनिक केसरी न्यूज

बल्लारशा : विधानसभा मतदारसंघांमध्ये काँग्रेसची उमेदवारी न मिळाल्यामुळे बंडखोरी करुन अपक्ष म्हणून निवडणूक लढविणाऱ्या डॉक्टर अभिलाषा गावतुरे यांना राष्ट्रीय काँग्रेस पक्षाने हकालपट्टी करत पुढील सहा वर्षाकरिता निलंबित करण्यात आलेले आहे.महाराष्ट्र प्रभारी रमेश चेंनिथला यांच्या आदेशावरून व प्रांताध्यक्ष नाना पटोले यांच्या निर्देशावरून ही हकालपट्टी करण्यात आली असून यात  बंडखोरी करून लढणारे चंद्रपूर मधील राजू झोडे यांचाही या यादीत समावेश आहे. संपूर्ण महाराष्ट्रातील एकूण 16 जणांवर काँग्रेस पक्षातर्फे कारवाई करण्यात आली असून पुढील सहा वर्षाकरिता या 16 जणांना राष्ट्रीय काँग्रेस पक्षामधून निलंबित करण्यात आले आहे.डॉक्टर अभिलाषा गावतुरे यांनी बंडखोरीची भूमिका घेतल्यानंतर पक्षातर्फे त्यांना मनवण्यात आले नाही किंवा उमेदवारी मागे घेण्याकरिता पक्षातर्फे कोणाकडून साधा फोनही आलेला नाही. त्यामुळे त्यांच्या या उमेदवारीला नाना पटोले यांचा आशीर्वाद तर नाही ना अशी कुजबूज संपूर्ण मतदारसंघांमध्ये सुरू झाली होती प्रतिभाताई धानोरकर यांच्या कडून गावतुरे यांना उमेदवारी मिळावी यासाठी प्रयत्न झाले होते हे विशेष.